Centre Inter Ministerial teloki Chief minister den ajurutep

Kohima, November 25 (TYO): Anogo ana tashi Center Inter Ministerial telok ka Nagaland-i arua tesem balala sema senzüba sülen tanü parnoki Nagaland Chief Minister den ajurutepogo.
Iba telok ya Joint Secretary Ministry Home affairs, Mukesh Mittal lenisüba kübok lir aser yashi Meluri nung helicopter lendong atalokba nung pa densema liasü.
Centre nungi arurtemi Chief minister den parnoki Mon, Zunheboto, Wokha, Kohima aser Phek district tem semdangba osang lemsatep.
Parnoki ashiba agi, yashi lendong ajuruba ajanga Phek District semdangtsü sentong athitsüsa aküm.
Chief minister den agiba senden nung Nagaland Chief Secretary, Home Commissioner & Secretary Home in charge of Disaster Management nungertem dena liasü.