CEO-i official gari atema metetdaktsü

Kohima, Aenjeti 24 (TYO): Tanü Secretariat Conference Hall nung AHODs aser HODs senden nung jembidamg Chief Electoral Officer, Nagaland, Abhijit Sinha, IAS-i, Aenjeti (January) 18 nungi tenzüka ‘Election Model Code of Conduct’ benokogo, anungji Department balalai Ministers, Parliamentary Secretaries, Advisers aser yimtenren lenirtem den attach süa aliba garitem meyipa agitsüla, ta metetdaktsü.
Paisa Ministers, Parliamentary Secretaries aser Advisers temi official duty inyakdangang Transport Department-i lemzüktsüba official garitem amshitsüla ajisüaka election dak snedakba maparen nung mamshitsüla, ta metetdaktsü.
Item tetuyuba sülen manidakra CEO nem metetdakjang, ta paisa metetdaktsüba den klemi sorkar mapa inyakertem Election Model Code of Conduct mapang nung teinyaktsütem aser meinyaktsütem metetdakja liasü.