CEO-i party tem dang sangdonger

Kohima, February 02 (TYO): Taruba Lok Sabha 2019 General elections agitsü aliba dak sendakba nung Nagaland Chief Electoral Officer office-i yimtenren party ajak den EVMs (Electronic Voting Machines) den VVPAT (Voter verifiable Paper Audit Trail) amshiyim indang State level awareness/demonstration workshop ka agitsü, ta osang ka ajanga metetdaktsü.
Iba workshop ya February 6, 2019 nü Japfü hotel; Tapi hall nung anüngdang 11:30 ako nungi agitsü, anungji yimtenren party ajak dang iba workshop nung adentsü atema tajemba agia züngsem asemsembosa yoktsü mepishia metetdaktsür, ta kasa sangdong nung shia lir.