CFSI-i North East Film Festivals for Children-2015 agir

Dimapur, September 3 (TYO) : August 31, 2015 nü Children’s Film Society India (CFSI)-i Christian Higher Secondary School nung “North East Film Festival for Children-2015′ agi.
Iba sentong nung ‘Touching Wild Horses’ film sayu aser CHSS principal Moatemsu Walling-i kaketshirtem ayongzüka o jembi.
Children’s Film Society India (CFSI) ya Ministry of Information & Broadcasting kübok tentet ka lir aser iba tentet ajanga linük nung tanurtem film ajungkettsü atema mapa inyaker.
Tanurtem tangatetba nung yarutsü aser parnok meketa aliba alima indang bilemtsü ayongtzüktsü atema CFSI-i tanur indang film tem adoker aser ajungketer. South Asia nung tanurtem indang film timba adokerji CFSI lir.
August 20 nungi September 5, 2015 tashi CFSI-i tanurtem atema North East Film Festival (NEFF) ayongzüka agir. Iba sentong nung CFSI den Five Vision ajanga yariteper.
North-East India kübok Guwahati, Dibrugarh, Jorhat (Assam), Agartala (Tripura), Dimapur (Nagaland) & Aizawl (Mizoram) nungertem nung iba film festival amungtsü.