‘Chaiwala’ Modi-i süngolu ayimertem asoshi kecha meinyaktsü: Tarun Gogoi

Guwahati, March 31 (Agencies): Assam nung asemben tashi Chief Minister inyaker Tarun Gogoi-i tanü ‘chaiwala’ Prime Minister Narendra Modi aitsü.
“Modi sorkari Assam nunger dang nangzükba ama meinyak. Modi-i pa chaiwala ka ta shia nübortem mesüzük saka süngolu ayimertem asoshi kecha meinyaktsü” ta Gogoi-i ashi.
Yashi Moran nung public sentong ka nung jembidang Modi-i “chaiwala kati dang chaiwala tem indang khurettem angatettsü” ashi.
“Nenoki tashi tait sorkar ka mesüra tarak aketba sorkar ka aginür? Mezüngbo Congress-i chaiwala ka anema noktaker ta ni bilem, saka Assam nungi West Bengal tashi parnoki chaiwala ajak anema noktaker. Alima ajungai ajemba Assam süngo tajung yanglurtem indnag khuretji chaiwala kati dang angatettsü” ta Modi-i ashi.
“Prime Minister Narendra Modi-i tiyazü nangzükba sorkar ka ketdang asür. BJP-i election matongdang nangzükba ka danga Modi-i meinyaktsütet. Tiyazü mapa joko ojang dang asütsü. Tang ya Congress atema mapang lir” ta Gogoi-i tanü Modi o meyiptsü.
“Congress tsütsü mopung aoner. Modi-i Rahul Gandhi den kanga saksaka tokteptsü. BJP-i tashi itshitsüla” ta paisa shisem.