Chakat Aboh-i MLA inyaktsü tezüngzüktep agi

Itanagar, October 28 (Agencies): Khonsa West Assembly Constituency indang by-election nung takok anguba sülen Chakat Aboh-i tanü Arunachal Pradesh Legislative Assembly nung MLA ka ama tezüngzüktep agiogo.
Tanü Dorjee Khandu Auditorium nung Assembly Speaker Pasang Dorjee Sona-i Chakat Aboh nem tezüngzüktep agidaktsü.
Iba mapang MLA aika den Chakat Aboh pusemer noklang aika adenshia liasü.
October 21 by-election nung Chakat Aboh-i Independent candidate Azet Homtok madak votes 1,887 agi takok tulu angu.
Chakat ya NPP lennir asür Tirong Aboh kinungtsü lir. Tirong Aboh ya taküm May ita khaset. Pai toktsüba menden by-election nung political party 5-i pa kinungtsü yari.
May 21 nü Tirap district kübok 12 Mile tesem nung NSCN telungpurtem ta temulung melemi bilemertemi Tirong Aboh, par jabaso aser nisung 9 khaset.