Chakhesang nunger gazetted officers 714 jungogo

Kohima, July 06 (TYO): April 30, 2016 nü tashi nung statistic data ajanga sayuba agi, Chakhesang Gazetted Officers Association (CGOA) 714 kümogo.
State Academy hall, Kohima nung CGOA 19buba general senden alidang iba osang metetdaktsü. Iba sentong nung tongti o jembirji, Rajya Sabha MP, KG Kenye liasü.
Chakhesang kin nungi gazetted officer tem jenti adokba atema Kenye-i pelaba metetdaktsüdang pai ketdangsertem dang, kin nüburtem ajungtsü atema tajungtiba nung inyaktsü merangang, ta ayongzük.
Tang tashi nungbo Chakhesang kin nungi IAS officer mali.
Gazetted officers 714 rongnung Kikruma yim nungi timtibaji 46 lir aser tanabuba o tasembuba jenjang nung Chizami o Khezhakeno na nungi 44 lir.
Central aser state sasep nung state nung shilem 93 (officer 662) aser Central nung shilem  7 (officers 52) lir. Class I shilem 69 (490 officers) aser class II shilem 31 (224) lir.
Chakhesang Public Organization (CPO) Tir, Kekhwengulo Lea aser OSD (General & Budget), Finance Department, Government of Nagaland, Visielie Kezo natia iba senden nung o tatsütsü jembi.
CGOA Tir, Vevo Sapu-i lokti pela agizük. Iba sentong ya Rothihu Tetseo lenisüba nung agi.
2016-18 kümsük atema CGOA Tir aser general secretary tasentemji Zhothisa Dawhuo aser Darhu Shupao na asütsü.