Chakhesangtsür NMA nung madener

Kohima, Feb.21 (TYO) : Tang Nagaland nung ULB election dak sendakba maparen nung mepetmesü adokba ajanga mapang tatsüka atema Chakhesang Mothers’ Association (CMA) Naga Mothers’ Association (NMA) nung medeni alitsü lemtetogo ta CMA ajanga metetdaktsüogo.
CMA ya Chakhesang Public Organization (CPO) nung shilem ka asünungji, CMA ketdangpurtem rongdak senden ka February 20, 2017 nü mena CPO-i metetdaktsüba ama CMA ya NMA nung medeni alitsü lemtet ta CMA mendenbula Zaposhelu Venuh aser tongti zülur Wechete-u Khape nati metetdaktsü.
Tanü tashi NMA ajanga Nagatsürtem jenjang temaba nung meraketa ayutsü asoshi bendanga agüja inyakba asoshi pelar aser item mapatemji tetsürtem ajaki mamatsü ta CMA lenirtemisa metetdaktsü.