Chamber of Commerce & Industries (MCCI) sangdong

Mokokchung, November 20 (TYO): Tawa Mokokchung jila nung auertemi aonung dokan kakpoka auyaba osang aika Chamber of Commerce & Industries (MCCI)-i angazükogo, ta MCCI Tir, Moasangba Jamir-i sangdong ka ajanga metetdaktsü.

October 1 aser 7 aonungtem auertemi grocery dokan ka aser anütetsü ayokba dokan ka ta kapoka auya. November 14 aonunga dokan ka nung auya aser iba sülen anogo asemnü lir kasa dokan nungsa auya, ta sangdong ajanga ashi.

Item tatalokbatem kanga junga bushisüngdanga ozüng alema benshirtem aputsüla aser talisa tang ama benjung asoshi renemtepba tensa mapang ka nung jila nung security tali tashi itshitsüla, ta MCCI-i police nem temepishiba shidi ka agütsüogo, ta MCCI sangdong nung shia lir.

Iba den külemi business balala inyakertema kanga kümdanga alitsüla ta MCCI-isa shisem.