Champions League: Barcelona-i Atletico telok den quarterfinal asayatsü

Zurich, March 18 (Agencies): Switzerland kübok Nyon nung tang tasayadak Champions League football asayamong quarterfinal draw sentong tanü, Hokolbar nü agiogo.

Defending champions, Barcelona teloki Spain nungsa tentetba Atletico Madrid telok den quarterfinal asayatsü lemzükogo.

Champions League takok marok 2 ben tashi atonga akokba telok kija, Barcelona-i tan Atletico telok den asayatsü lemzükba ajanga Atletico teloki par telok nem taoba mapang bener arutsüba tamakokbaren kepzüktsü maongka angur lir.

1995 küm semifinal asayatsü jenjang anguba sülen tanü tashi Champions League semifinal asayatsü jenjang ken dang mongu aliba Paris St Germain telokia Manchester City telok den quarterfinal asayatsü lemzükogo.

Taoba mapang Champions League takok marok 10 ben tashi agizüker telok, Real Madrid-ia Germany nung tentetba VfL Wolfsburg den aser Germany nunger Bayern Munich teloki Portugal nung tentetba Benfica telok den quarterfinal asayatsü lemzüka lir.