Madrid, May 24 (Agencies): Portugal nunger football asayar mongin, Cristiano Ronaldo-i tan Honibar nü asayatsü renemba Champions League asayamong final nung shilem agitettsüsa akümba osang ka tanü, Mongolbar nü metetdaktsüogo.
Par Real Madrid teloki Atletico Madrid telok den Champions League final Italy kübok Milan nung tan Honibar nü asayatsü lemzüka lir.
“Ni tanga bilemba ama shilem magiteti timatema lir saka final asaya nungbo ni shilem agitettsü,” ta Real goalkeeper, Kiko Casilla den tsüktepa tebi yirusang, Ronaldo-i metetdaktsü.
Pa tetsüng yiruba sülen arishi küm 31 tain Ronaldo-i taoba terenemshitsü sentong 3 tashi nung külem asayartem den aroki shilem magitetba den külemi, par Real teloki Mancheseter City den asayaba semifinal mezüngbuba shilem nunga shilem magiteti süidakja liasü.
Champions League final nung shilem agitettsü: Ronaldo added by asungba on
View all posts by asungba →
You must be logged in to post a comment Login