Champions League: Real Madrid teloki Atletico den final asayatsü

Real Madrid teloki goal 1-0 agi Manchester City telok madak semifinal asaya koka Champions League football asayamong final asayatsü jenjang anguba sülen Real asayartem pelaba noksa nung angur. (Madrid, May 05)

Madrid, May 05 (Agencies): Real Madrid teloki goal 1-0 agi Manchester City semifinal asaya nung tsükdaktsüba sülen Atletico Madrid telok den tang tasayadak Champions League football asayamong final asayatsü jenjang yashi, Bodbar nü ajangzükogo.
Brazil nunger midfielder, Fernando-i külem asayar, Gareth Bale-i yanglutsüba cross ball agizüka yashi asaya tenzüker minute 20 buba nung par Real telok asoshi takokba goal agütsü.
Tan final nung shilem agitsü jenjang anguba ya Real teloki küm 3 tsüngda nung tan agi Champions League final asayatsü jenjang tanabenbuba angur lir.
Küm 2 tejaklen Lisbon yimti nung asayaba final asaya nung Real teloki goal 4-1 agi Atletico telok madak takok ngua Champions League asayamong takok marok 10 buba agizüker telok aküm aser tan May ita 28 nü Milan yimti nung asayatsü ayongba final asaya nunga Atletico telok tsükdakja Champions League takok marok 11 buba agizüker telok akümtsü alizüng yua lir.
Yashi asaya nung Cristiano Ronaldo-ia goal agüja pai taoba mapang yangluba küm ka nung Champions League goal 17 buba agütsür asayar akümba otsü meneptsü merang saka pai goal ka danga magütsüteti iba otsüji memeneptettsüsa aküm.