Champions League Twenty20 masayatsü lemteter

New Delhi, July 15 (Agencies): Champions League Twenty20 (CLT20) asayamong masayatsü lemtetba osang ka Governing Council, CLT20-i tanü Bodbar nü metetdaktsüogo.
Board of Control for Cricket in India (BCCI), Cricket Australia (CA) aser Cricket South Africa (CSA) nungeri külemi lungjemer külen alima linük balala nungi cricket teloktem nem shilem agidaktsütsü nükjidong nung tongti cricket asayamong, CLT20 ya taoba mapang, 2009 nung tenzük.
Iba CLT20 asayamong ya taküm agi 7 benbuba atema taküm September aser October ita na asayatsü asoshi mezüngbo ayonga liasü.
“India nung Indian Premier League (IPL), Australia nung Big Bash League (BBL) aser South Africa nung Ram Slam T20 (RST20) nunger densema alima tesem balala nung ayonga asayaba T20 jenjang tajungba kümdaktsütsüa CLT20 asayamongi shilem agia liasü. Ajisüaka, nüburtem rong nung tejangraba manguba yong CLT20 asayamong joko mayongtsü lemtettsüa akümer,” ta BCCI nung Secretary, Anurag Thakur-i osang jangjashitsü.