Champions Trophy Squad sangdongogo

New Delhi, Monupii (May) 31 (Agencies): Taoba captain Sardar Singh aser Birendra Lakra na taruba Champions Trophy atema India Hockey team nung tanaben züngoksemogo. Iba asayamung ya Aami (June) 23 nü nungi Breda, Netherlands nung asayatsü.
Hockey India-i iba asayamung atema asayar 18 agi kümtetba team ka sangdongogo, aser asayartem aika melenshiogo. Iba team ya goalkeeper P R Sreejesh lenisüba kübok asayatsü.
Gold Coast Commonwealth Games asaya nung Sardar India team nung densema maliasü. Pa national training camp, Bengaluru nung shilem agiba sülen India team nung tanaben anioktsü imlaa liasü.
Selector temi defender Rupinder, Kothajit Singh aser Gurinder Singh nunger toktsü aser Jaramanpreet Singh aser Surendra Kumar na shimogo. Striker tem rongnung Lalit Upadhyay aser Gurjant Singh na toktsü aser Ramandeep Singh tanaben shimok.
Maneni selector temi goalkeeper Suraj Karkera melena Krishan Bahadur Pathak shimogo.
India team Champions Trophy mezüngbuba asaya Pakistan den Aami (June) 23 nü asayatsü.
Indian Team yamai alitsü:
Goalkeepers: Sreejesh Parattu Raveendran (C), Krishan Bahadur Pathak
Defenders: Harmanpreet Singh, Varun Kumar, Surender Kumar, Jarmanpreet Singh, Birendra Lakra and Amit Rohidas.
Midfielders: Manpreet Singh, Chinglensana Singh Kangujam (VC) Sardar Singh and Vivek Sagar Prasad.
Forwards: Sunil Sowmarpet Vitalacharya, Ramandeep Singh Mandeep Singh, Sumit Kumar (Jr.) Akashdeep Singh and Dilpreet Singh.