Chand Nawab shilem atema mezüng Ali Quli Mirza dang asüngdang

Mumbai, August 14 (Agencies) : Bajrangi Bhaijaan film nung Chand Nawab indang shilem agitsü atema mezüngbo ‘Bigg Boss 8’ nung adener Ali Quli Mirza dang asüngdang ta osang angazüker.

Salman Khan-i mezüng Mirza dang shilem agitsü asüngdang aser pai magizükba sülen ang Nawazuddin Siddiqui nem shilem agidaktsü.

Pa reality show nung shilem tagidak mapang film nung shilem agitsü asüngdang saka iba sentong ita ka atsülangba agi pai magizüktet, ta Mirza-i osangbener dang ashi.

‘Bigg Boss 8’ nung Mirza ya nüngtugu shilem agirtem rongnung ka liasü saka ano pa ajanga ashishitep ken o aika adok. Salman-i Mirza ya kanga saklok aser tarutsü nung Kabir Khan film nung pa shilem agitsü ana nung lir.