Chandreyee-i Asian Youth Chess silver agizük

Suwon, August 10 (Agencies): India’er tetsür chess asayar, Chandreyee Hazra-i tanü Hombar nü tembangba Asian Youth Chess asayamong nung India asoshi silver medal ka agizükogo.
Chandreyee-i points 6.5 ngua Asian Girls Under-16 shilem nung silver medal-ji agizüka liasü.
Chandreyee ya taoba Grandmaster, Barua-i India kübok Kolkata nung tentetba Dibyendu Barua Chess Academy nung chess asaya shizüker ka lir.
Ano külen, India-i tan asayamong nung gold 5, silver 5 aser bronze 5 agizüka overall shilem nung medal timba agizükba osanga jangjaogo.
India sülen anidaka, Iran-i gold 3, silver 2 aser bronze 1 agizüka medal timba agizüker tarensen nung tanabuba jenjang angu.