Changlang Jila nung NSCN(R) pur ka apu

Kohima, Aenjeti 31 (TYO): NSCN(R) pur atema tetsükdaktsü adoka Aenjeti 31 anepdang Security Forces, Changlang battalion puri Self Styled Private Honglant Pangtha puogo. Telungpur kati Changlang jila nung nüburtem amokmerena rakzük rakdemba osang tejangja ka angazükba sülen sepaitemi iba tesem meita aoba mapang nung Self Styled Private ya apu. Maneni pa ket nungi pistol ka aser injang dena bener lia puogo.
DAO DIVISION kübok Security Forces, Changlang battalion puri south Arunachal Pradesh yimjung nung toktsütsü mechi nung tanen makai meita aoba sentongtem agia arudar, aser tang telungpur ka apuba ajanga iba tesem nung rakzük rakdemba maparen balala inyaktsü bilema alirtem mulungja nung tetsübu aitdaktsütsü. Keno ashishitepba mapang nung telungpur yagi pa 2017 Metsüremi nungi tenzüka iba telok nung züngoksemer rakzük rakdemba maparen balala nung shilem agia arudar, ta nangzük.