Changtongya jila nung Forest Development Agency seminar agi

Mokokchung, Aenjeti 24 (TYO): Aenjeti 24, 2018 nü Forest Dept, Mokokchung-i ayongzüka Forest Colony Changtongya nung Changtongya Forest Beat kübok FDA aser Village Council züngsemtem atema Forest Development Agency seminar ka agiogo.
Iba seminar nung Joint Forest Management Commitees (JFMCs) Tirtem aser züngsemtem den Village Council züngsemtem aser Changtongya Beat staff tem aden.
Forest Ranger Changtongya, Moamongba leniba nung iba sentong agi aser DFO Mokokchung, T.N Jamir (IFS)-i ‘FDA activities and the role of FDA functionaries & Village Councils’ onük nung jembia liasü.
Pai village level nung National Afforestation Programme atema JFMCs teinyaktsü shilemtem aser sorkar o yimdaklirtem senteper inyakba joint forest management nükjidong metetdaktsü.
DFO-isa taruba JICA project (Japan International Cooperation Agency) indang metetdaktsü.
Iba sülen o lemtepba mapang agi aser sentong lenirisa tepela anküp o jembia liasü.