Changtongya jila nung miim mozü aser temesepba chiyongtsütem raksa endok

Dimapur, April 29 (TYO) : NSCN/GPRN teloki Changtongya town nung nisung ka tenüng agi  Bendangtemjen (Changtongya) ket nungi meim mozü aser temesepba chiyongtsü (SP-2206 Nos, Nitrosum-21 Strip, Rum 10 Bottles aser Whiskey-4 Bottles apuba Changtongya Town All Ward Union, Watsü Telongjem G.B’s Union aser Arogo tenzükertemi rongtoka indokogo.
Tanü asen tendak temesepba mozü anema tongpang tulu raraba mapang Wb. T.Wapang Jamir, Leacy, Ao Region NSCN/GPRN Changtongya Block, pa lenisüba kübok iba ama mapa tajung nüburi agizüktettsüsa inyakba asoshi Changtongya Town public tenüng nung All Ward Union ajanga pelaba lemsateper ta sangdong ka nung metetdaktsü.
Tarutsü nung ano maneni iba ama mapa tajung nung nenoki shilem tulu agia asen lima aser lokti yanglutsü imla-a atar ta, ta All Ward Union, Changtongya Town Mendenbuba Wb. Masanokdang aser Tezüluba Wb. C.Yanger nati sangdong ka nung metetdaktsü.