Changtongya jila nung RTI Week nüngtem nung senden liasü

Dimapur, October 12 (TYO) : October 5-12, 2015 tashi RTI Week amungba nüngtem nung October 9 nü Dobashi Customary Court Changtongya nung senden ka ayongzüka agiogo.
Iba senden nung SDO (C) Chumlamo Humtsoe-i RTI indang osang metetdaktsü. Pai ashiba agi, RTI ya public-i sorkar maparen metettsü atema hadir tajung ka lir.
Nübortemi tim lenmang nung RTI amshitsüla, ta paisa ayongzük.
Iba senden nung Changtongya sub-division kübok Village Council Chairman aser VDB Secretary tem den Changtongya town, Ward GB aser Chairman tem aden. Senden nung adener nem Ao oshi nung RTI Act 2015 kaket tila ka ka lema agütsü.