Changtongya nung army ka tsükok

Dimapur, September 30 (TYO): Honibar aonung 7:00 ako meta Mokokchung kübok Changtongya town nung Army indang khu abenba truck gari ka tsükok.
Taonung Longchara kiyong nung lenku ka nung gariji lenküpokleni lua High school Road nung anen.
Army indang truck gari nungji Mokokchung CSD canteen indang osettem bena liasü aser gari nung nisung ana mena liasü.
Iba osang zülu tashi nung tena kanga mejungi yirur Changtongya mozükidang anepalua liasü.