Changtongya nung ATM Recycler Machine tenzük

Dimapur, March 18 (TYO) : March 17, 2016 nü Chief General Manager, NE-Circle SBI P.V.S.L.N. Murty-i SBI Changtongya Branch nung ATM Recycler Machine lapoktsü.

Murty-i o jembidang bank nüngdakba aser bank ajanga teyari aika anguba metetdaktsü. Paisa nübortem dang bank teyari agitsü ayongzük.

Tanü sayaba ATM Recycler Machine nung mezüngbuba depositor ji Murty liasü. Pa den külemi K. Sinha (CDO, NE-Circle SBI), N.K. Malvya (DGM, Jorhat South Module SBI) aser G. Sekar (AGM, Regional Business Office, Mokokchung SBI) nungertem iba sentong nung aden.

Sentong nung mendenji Branch Manager SBI Changtongya, Sashilemba Longkumer liasü aser Retd. Deputy Director School Education, C. Lima Jamir-i public tenüng nung pelaba metetdaktsü.

Iba sentong nung Akhoya, Yaongyimsen, Changtongya nungi Village Council Chairman aser züngsemtem members, Ward GBs & Chairman tem, public lennirtem aser sorkar ketdangsertem aden.