Changtongya nung BLOs training agi

Dimapur, September 23 (TYO) : Electoral Roll Special Summary Revision agiba dak sendakba nung 22 Arkakong Assembly Constituency atema Booth Level Officers training ka agiogo.
Iba sentong ya September 23, 2015 nü Dobashi Customary Court, Changtongya town nung agi.
Sentong nung AERO & SDO (C) Changongya, Chumlamo Humtsoe-i o jembidang BLO tem jeretpera alitsü aser tashishitsü melii summary revision agitsü ayongzük.
Paisa BLO tem dang voters list nung death, transfer, shifted, double entry, duplicate aser deletion nungertem mapa kanga junga inyaktsü tetuyuba agütsü.
Tang teinyakdak summary revision nung arishi küm 18 ser temapurtem dang voters list nung enoksemtsüla ta Chumlamo Humtsoe-i nenshia metetdaktsü.