Changtongya nung International Day of People with Disabilities amung

Dimapur, December 3 (TYO) : December 3, 2016 nü B.D.O Office Conference Hall, Changtongya nung Grace Society CBR Forum(Community Based Rehabilitation) H.q-Changtongya ajanga International Day of People with Disabilities ayongzüka amung.
Iba sentong ya “Achieving 17 Goals for the Future we want, which draws attention to the 17 sustainable Development Goals and how these Goals can Create more inclusive equitable world for persons with Disabilities” omen nung ajemdaker amung aser tongti tesemdangerji Imkongliba Memorial District Hospital, Mokokchung Medical Superintendent, Dr. Medemmayang liasü.
Sentong nung o jembidang Dr. Medemmayang-i loktiliba nung matamabensartemi shilem agitettsü atema tanüngbapurtemi mapa inyaktsü aser parnok sempet sayatsü atema sabang lapoktsütsü ayongzük.
Grace Society CBR Forum-i matamabensartem ajungkettsü atema mapa inyakba atema paisa tenüngsang agütsü.
Sentong nung mendenji Tzumokkong Baptist Arogo Child Pastor Ms. Ainla Ozükum liasü, Longchara Baptist Arogo sannüker Rev.T.Yanger-i temoatsü meshia sarasadem, Reshilepzuk-i ken ka aten aser Tainla Temjen-i la indang taküm kuli lemsatep.
Sentong nungsa Changtongya SDO (Civil), Chumlamo, Humtsoe, Chuchuyimlang Village Council aser CTBA Asso.Pastor (Women) Narola Imchen nungertemi tajungshi o jembi aser Grace Society CBR Forum Grace Society, Chubawati-i anküp tepela o jembi.