Changtongya nung NERPAP special camp agi

Dimapur, July 10 (TYO) : July 10, 2015 nü DB Customary Court Changtongya nung National Roll Purification and Authentication Programme (NERPAP) sentong ka ayongzükba agiogo.
Iba sentong nung AERO & SDO (C) Changtongya, Chumlamo Humtsoe NERPAP special camp indang temetettsü ashi aser iba mapatong takok ngua inyaktettsü atema BLO tem den yaritepang ta paisa ayongzük.
Paisa, July 18, 2015 nü tatembangba NERPAP special camp alitsü ta metetdaktsü.
Tanü agiba sentong nung Changtongya jila nung Ward Chairman aser 22 Arkakong A/C kübok Village Council Chairman ajaki shilem agi.