Changtongya nung pensioner tem physical verification alitsü

Dimapur, Tsüklai/February 12 (TYO): Sub-Treasury Office Changtongya nungi ita shia pension agizükba pensioner ajak atema Physical Verification of Pensioners maparen 2020-21 asoshi February 25-26, 2021 anogotem inyaktsü, ta sangdong ka ajanga metetdaktsü.

Anungji iba office nungi ita shia pension agizüker ajak dang nungdakba document bener office-i tsüngtong arutsü metetdaktsüogo. Iba verification nung madenertem nem payment agütsüba ajunga anentsü.

1. Mapang 10.00 AM nungi 4.00 PM.
2. Life pensioners tem 25th February 2021
3. Family pensioners tem 26th February 2021

Temang manemba mesüra tain akumba ajanga tsüngtong maruteter temi Church Office (Pastor) nungi seal dener kuli kaket agütsütsüla, ta sangdong ajangasa ashi.