Changtongya town nung Disability screening camp kaogo

Dimapur, April 03 (TYO): April 1, 2017 nü Community Health Centre, Changtongya nung matamabensartem atema screening camp ka ayonga kaogo, aser iba camp ya disability certificate malirtem atema ayonga katsü.
Iba camp nung matamabensar ajak agi parnok 22 tema repranga parnok nem disability certificate agutsüogo.
Imkongliba Memorial District Hospital, Mokokchung nungi doctor tem- Dr. Medem, MS, IMDH, Dr. Saku Imchen, Dr. Mar Tsukden, Dr. Kerisunu Sakhrie, Sr. Specialist, Dr. Woben Tsopoe, Dr. Kilangwapang, Jr. Specialist aser Dr. Sakuyuba, Orthopathic Assistant nungeri Dr. Imtijungshi, SMO aser CHC Changtongya nung medical staff tem den yaritepa iba camp katsü.
Camp nungsa Grace Society Community Based Rehabilitation Forum-i yaritepa liasü.
Iba camp nung Chumlamo Humtsoe, SDO (C) Changtongya-a aden.