Charaideo Police-i taila ULFA züngsem 3 apu

Sonari, July 12 (Agencies): Hajua Tea Estate nung injang khaloktsüba tatalokba nung Charaideo Police-i nisung 3 apu.
June 9, 2019 aonung Hajua Tea Estate indang office nung Liberation Front of Assam (Independent), ULFA-I telungpurtemi injang khaloktsü ta temolung melemi liasü. Assistant manager-i sen meshiba magütsüba atema iba mapa inyak ta jembi saka Charaideo Police-i ita ka shi bushisüngdanga arur taila ULFA züngsem asem bushitetogo.
Taila ULFA züngsem asemji Hingrijan TE nungi Akash Pradhan (34), Hajua TE nungi Jiten Thakur (34) aser Khumtai TE nungi Uttam Telenga (38) nungertem ta jangjaogo.
Police-i parnok ket nungi 0.22 bore pistol ka, mobile phone ka, ULFA-I letterhead adenba pad ka, ULFA demand note, computer den printer, Pulsar motorcycle ka aser tashishitsü aketba kulikaket kar ngutetogo.
“Taila ULFA-I-i Hajua Tea Garden nung assistant manager Shahnawaz Anwar dang sen lakh 10 meshiba onük nung ajemdaker onoki bushisüngdang asüdang nisung 3 apu. Parnok okadaki anir ao aser police ket nung ayutsü atema temelaba agütsüogo” ta Charaideo SP Anand Mishra-i ashi.