Charlie Puth shirangba agi kenten sentongtem thinen

Los Angeles, October 25 (Agencies) : Kentener Charlie Puth temang manemi akümba ajanga ‘Don’t Talk Tour’ indang tanüngba sentongtem thiogo.
Arishi küm 24 tain Puth-i iba osang ya Twitter nung metetdaktsü.
“Ni tour kanga senzünür aser anogoshia nenok den ajurutepnür, ajisüaka koda masüba ajanga ni anünga aliba sentongtem athitsüsa akümer. Ni kanga shiranger aser kü temang shia arutsü atema mapang nüngdaker” ta pai ashi.
“Mapang tatsüka ni anisüngzüktsü aser iba sülen nenok tsüngdang shilem agitsü. Ni nenoki aginüba ama shilem agitsü ta nangzüker. Ne nenok kanga meimer aser sasa bilemer” ta Puth-isa metetdaktsü.
Taküm September ita nungi Charlie Puth-i pa indang kensep Nine Track Mind ajungkettsü atema kenten sentongtem agitsü tenzük aser shitakba agibo November 8, 2016 nü ang tembangtsüba liasü.