Charlize Theron sülen anidaksang puogo

October 07, 2015: Actress Charlize Theron sülen anishiba atema police-i tebur ka puogo.
Deobar nü (October 5, 2015) Tebur kati arishi küm 40 actress Theron ajurutsü akhangba den külemi la majuru tashi pa maotsü ta shia la sülen anishiba atema lai police aja. Pa naro amer lar kishizüng nung noktaka liasü, ta TMZ osang ajanga ashi.
Actress Theron-i pa dang naroji lar kikümbang nung tokjang ta ashi saka tebursang jagi pai la ket nungang agütsütsü, ta langzü.
Iba ama tatalokba ya Keira Knightley dak-a atalokogo. La sapur kati narojung ka la dak mereplokja “Na kü den kibong akümtsü asü” ta ashiba sülen tebursangji tangari aniena liasü.