Chathe ayong nung rong amshiba nokdanger

Dimapur, July 13 (TYO): Tawa Dimapur nung CIHSR hospital anasa Chathe ayong tepdanga yangluba RCC apu chirepba sülen, ayong ajangdanga aotsü atema nisung kari nisung belentsü atema rubber tube agi khen atema yangluba rong amshiba osang ketdangsertemi angazükogo, ta Brihostibarnü Dimapur Deputy Commissioner-i sangdong ka nung metetdaktsü.
“Iba yimya nung nisung belenba nungji lendong tulu keta lir. Anungji tang nungi tenzüka nisung shingaia iba ama sen aazükba mapa meinyaktsü aser nüburtem danga item service ji magitsü metetdaktsür,” ta DC-isa metetdaktsü.