Chathe ayong nung tasümang ka angu

Dimapur, August 26 (TYO) : August 24, 2015 nü 6th Mile, Dimapur nung Chathe ayong nungi arishi küm 18-20 tain tebur ka tasümang ngua lir, ta Addl. Dy. Commissioner of Police/PRO Dimapur-i sangdong ka nung metetdaktsü.

Iba nisung ya tzü nung araksetba amai bilemer aser tang tashi nung pa mejangjateti lir. Pa indang mangji District Hospital Morgue nung yua lir aser iba dak sendakba nung OC Diphupar PS den +91 7085055022 ajanga tongteprateptsü akok, ta Dimapur Police sangdong nungsa shia lir.