Chedie-i mersü dashi chitepba nung takok angu

Hornbill benjong tesüsabuba nü Mersü dashi (Raja Mercha) chitepba nung  P. Chedie Khiamniugan-i takok anguba sempet agizüker pelashishia sayuba noksa nung angur. December 10,  2015 .

Kisama, December 10 (TYO) : Tanü Brehostibar nü Kisama nung Hornbill benjong sentong nung mersü dashi chitepba tetoktepba nung P. Chedie Khiamniungan-i takok angu. Pai mersü tashi (Naga King Chilli) tejang trok achi. Pa den anasatepa tanabuba jenjang nung takok angusangji Prem Saikia liasü. Paia kasa mersüji tejang trok achi saka pai second ishikati Chedie memenep. Tena sülen tasembuba takok jenjangji Khumong, Mongtsa aser Shanyu David nungertemi angu.
Mersü dashi (Naga king chilli) chitepba tetoktepba sentong ya XL Nagaland teloki ayongzük aser sempettemji Horticulture department-i agütsür. Iba tetoktepba nung nisung ajak agi 19 toktepa liasü. Ano, kasa tetoktepba sentong nung raliwalirtema balaka toktepdaktsü aser parnok rongnung takokerji Assam nungi Ghao Debajil liasü.