Chelsea-i English Premier League kokogo

May 13, 2017 (Agencies): Hokolbarnü Michy Batshuayi-i asaya tatemlen goal ka agüja Chelsea-i 1-0 agi West Bromwich Albion madak takok angu aser iba takok ajanga parnoki Premier League kokogo.
Asaya tatemlen West Brom puri kanga junga asayaa Chelsea pur nem timtem agütsü saka substitute Batshuayi-i minute 82buba nung goal ka agüja iba asaya akok.
Iba asaya takok ya Chelsea pur atema iba season takok 28buba liasü aser iba ajanga parnok point 10 agi tanabuba jenjang nung aliba Tottenham Hotspur dang nungi timba aküm. Tottenham pur iba season nung asaya 3 dang anunga lir.
Premier League nung manager ka ama shilem agidang mezüng küm takok angur rongnung Italy nunger Conte ya 4buba ang lir. Taoba mapang nung Chelsea manager Jose Mourinho aser Carlo Ancelotti na den Manchester City manager Manuel Pellegrini-i iba takok nguteta lir.