Chelsea Ladies teloki Women’s FA Cup takok marok agizükogo

Chelsea captain Katie Chapman (Achijilen) aser Claire Rafferty nati Women’s FA Cup takok marok amer külem asayartem den aroki pelatepba noksa nung angur. (Wembley, August 01)

Wembley, August 01 (Agencies): Chelsea Ladies teloki goal 1-0 agi Notts County telok madak final asaya koka Women’s FA Cup takok marok tanü Honibar nü London kübok Wembley nung agizükogo.
England striker Eniola Aluko-i pass tajung yanglutsüba sülen South Korea striker, Ji So-yun-i par telok asoshi takokba goal-ji asaya mezüngbuba shilem nung agüja liasü.
Tan takok anguba ya par Chelsea teloki mezüngbuba tongti takok marok agizüker lir.
Tanü asaya mezüngbuba shilem tembangtsü ghonda tesadang ka shi anünga alidang, Aluki-i goal agütsütsü maongka angu saka lai goal magütsüteti maongka tajungji amajok nung süidaktsü.
Aluko-i maneni lar telok asoshi goal agütsütsü meranga ball goalpost telungi metsüoktsütsü merang saka Notts goalkeeper, Carly Telford-i ball-ji tezüleni tsüngdoka goal magütsüdaktsü.
Tesülen, Aluko-i pasa tajung yanglutsüba yong Ji-i tanü takokbaji goal-ji agüja liasü.
Tanü agütsüba goal-ji Ji-i Chelsea telok tenüng nung asayatsü tenzüker tanü tashi nung goal 15 buba takok ngua agütsür lir
England defender Laura Bassett-i aniba Notts telokia asaya tanabuba shilem nung goal meyipja par telok jenjang tajungba kümdaktsütsü merang saka par teloki goal-ji memeptsüteti tanü tamakok ajuru.