Chemical industry atema trainees tem Ang den ajurutep

Dimapur, Aami/June 11 (TYO): Kohima Science College nungi Chemical Engineering nung plant training atema Dharamsi Morarji Chemical Co. Ltd, Mumbai-i shimba kaketshir parnok pongui Angh den Raj Bhavan nung June 10, 2019 nü ajurutepogo.
Company-i North East India nungi lanurtem nem mapa tinyakdak nung training agütsütsü atema maongka agütsütsü asoshi jangraba lemsatepogo, koba ajanga parnok sempet arangtetshitsü aser chemical industry nung mapa inyaker kaka kümtettsü. Angh Acharya aser Mumbai nung amendaker aliba NGO INFC-i achaayanga Nagaland University, Lumami aser Kohima Science College nung 2018 küm October ita campus interview ka agia liasü.
Iba sülen chemical industry nung training agitsü atema KSC nungi kaketshir pongu aser NU nungi kaketshir asem shim.
Item kaketshirtem nem stipend agütsütsü aser talidak angati agi agütsütsü aser canteen facility-a angati agi agütsütsü, ta Governor PRO sangdong ka ajanga metetdaktsü.