Chennai, September 04 (Agencies): Tanep züngia Cuddalore anasa Chennai-Mangalore Express train boggy pezü lenmang nungi tetsüng longpeta tuguba lendong nung nisung 39 tashi yiruogo.
Tanep 2:00 ako meta Chennai nungi kilometer 200 shi pila oor Cuddalore anasa Puvanur nung Mangalore-i aoba train boggy pezü tetsüng lenmang nungi longpeta tugu, ta police aser southern Railway ketdangsertemi ashi.
Iba lendong nungi yirua alir nisung 39 nungi parnok 35 nem first aid agütsü aser tanüngba pezüji Vriddhachalam nung aliba hospital kati anir oa yaridagi, ta Railway ketdangsertemi ashi.
Iba train lenmang ya kanga tongtibang lenmang ka asünungji tanü train aika mesenzüteti liasü.
Senior police ketdangsertemi ashiba agi, district ketdangsertemi tensaji acha-ayanga reprangdagi aser passenger temji anasatiba train station aser bus station-i anir otsüdagi.
Ano külen Tamil Nadu Chief Minister J Jayalalithaa-i tera yirua alir shia nem sen 25,000 aser mejungi yirua alir shia nem sen 50,000 agütsütsü sangdongogo.
You must be logged in to post a comment Login