Chennai nung engineering kaketshir 4 tsükset

Chennai, November 01 (Agencies): Deobar nü Kancheepuram district, Sathurangapattinam (Sadras) anasa East Coast Road (ECR) nung gari lendong ka ataloka iba lendong nung nija engineering college ka nungi kaketshir pezü tsükset aser ana yiruogo.
Parnok mena aliba gari jagi iba tesem nung aliba apu jara nung tsüokoktsü.
Asürtemji gari kibur arishi küm 18 Patrick Ashwin aser par mendemer B Sundar, J Mahesh, aser S Ashwin nunger liasü, ta police-i jangjaogo.
Ano Patrick medemersa yirua alir kaketshir anaji Santhosh Kumar aser Santhoshkar na lir.
Kaketshir ajakji Chennai-Bangalore national highway anasa aliba Thandalam nung Rajalakshmi Engineering College nung azüngertem liasü.
Police-i ashiba agi, kaketshirtemji Puducherry nungi Chennai-i meyipa aruba mapang tanep 4:30 ako meta Vengambakkam apu nung iba lendongji atalok.
Gariji Santhosh-i ania liasü, iba yongji pa den tejaklen külemi amensang Santhoshkar tenaprong gari nung aliba airbags ajanga takum kümzük, ta police-isa ashi.