Chennai nung tzünglu agi timtem agütsü

Chennai, December 01 (Agencies): Tzünglu tesashi agi Chennai aser anasa aliba tesemtem kanga mejung kongshi.

Tzünglu kanga sashia aluba ajanga gari, train aser tayimtsü jajaba nung timtem tulu agütsü.

Southern Railway-i Beach-Tambaram route nung jajaba train 11 tashi mejajadaktsüi sota ayu.

Chennai nungi apusoba tayimtsü 10 tashi gondha ka agi menur apuso aser tzünglu kanga sashia aluba ajanga Colombo nungi Chennai aruba tayimtsübo marudaktsüi Colombo-i meyipa yok.

Mongulbarnü Mahindra World City company den IT company aikati mapa inyakertem, office nungi akhidangdang nungi tekaraba kidangi yok.

Tamil Nadu nung aliba district trok aser Puducherry nung kaketrejutem melapok. Chennai, Tiruvallur aser Kancheepuram district tem nung Bodhbarnü tashi kaketrejutem melapoktsü.

Chief minister J Jayalalitha-i iba dak sentakba nung cabinet züngsemtem aser secretary tem dang tensa asadangtsü tetuyuba agütsüogo.