Cherry Blossom Festival atema South Korea & Meghalaya yariteper

Shillong. November 1 (Agencies): Meghalaya nung November 13 nungi 16 tashi 4 buba India International Cherry Blossom Festival amongtsü lir aser iba nung South Korea-i yariteptsü.
Iba benjong ya Polo 5th Ground aser Ward’s Lake nung Meghalaya sorkar, Institute of Bioresources and Sustainable Development (IBSD) aser Indian Council for Cultural Relations (ICCR)-i yaritepa ayongzüker.
Himalayan Cherry Blossoms apongba mapang iba benjong amongtsü aser sobaliba sentong aika agitsü.
Ambassador of Republic of Korea Shin Bong-Kil lia Meghalaya Chief Minister Conrad K Sangma-i anogo pezünü benjong lapoktsütsü.
Shin Bong-Kil-i Republic of Korea tenung nung teshimtet telok ka anir iba benjong nung adentsü.
Iba benjong nung Korean sentongtem (K-events) aika agitsü. Sentongtemji- K-Pop concert, Korean Taekwondo, Korean Cuisine aser South Korea nung shisaliok bushitsü atema Arts stalls lir. Iba ya Korean Cultural Centre India den yaritepa agitsü.
Iba benjong nung tongtipang shilem kaji Republic of Korea aser Meghalaya sorkar tsüngda summit aliba asütsü aser iba mapang MoU aika nung tenangzüktep agitsü imlar.
India International Cherry Blossom Festival nungsa South Korean Multinational Electronics Company- LG Electronics Inc-ia teyari agütsütsü.
Cherry Blossoms indang osang tejangja metetnürtemi cherryblossomfestival.in aser Facebook Page India International Cherry Blossom Festival-2019 nung angutsü.