Chetia nem bail temelaba agütsü

Guwahati, December 22 (Agencies): Taoba ita Bangladesh nungi anir aruba ULFA general secretary, Anup Chetia nem Mongulbarnü okadak kati bail temelaba agütsü.
Chetia bail nung chioktsü atema okadaki temelaba agütsüra Assam sorkari “no objection” certificate agütsütsü ta shia lir, ta Chetia atema okatsür Bijon Mahajan-i osangbener dang ashi.
November 12, 2015 nü Bangladesh sorkari CBI ket nung ULFA general secretary Anup Chetia agütsü. 1988 küm Assam nung nisung tepsetba ken o ka nung CBI-i pa dak tai tonglokja lir.
Sen lakh ka personal bond aser nisung ana nungi sureties dena Additional Sessions judge-i Chetia nem bail temelaba agütsü, ta Mahajan-isa tanü ashi.
Pa nem ken o ana nung bail agütsüogo aser ano asüng ken o ka angadangtsü lir.
Chetia ya tang Guwahati Central Jail nung puoka lir aser tang yimjung olemtep nung pa shilem agitettsü atema December 17 nü Designated Court-i Chetia anema TADA ken o ana nung bail agütsü.