Chhattisgarh nung BSF sepai 2 kahset

Raipur, March 12 (Agencies): Tanü Chhattisgarh, Kanker district nung Maoists telungpurtem den raradang BSF sepai ana tepsetba den sepai pezü yiruogo.
Tanep yakta 2:30 ako meta BSF patrol ka aser telungpurtem na tsüngda Chhotebethiya-Pakhanjore arem nung kahtep. “Iba rara nung sepai ana taküm tenlaa süogo aser sepai pezü yiruogo,” ta Kanker DSP, Jayant Vaishnav-i phone ajanga ashi.
Telungpurtemi injang sashia kaloktsüdang sepai trok yiru. Parnok rongnung sepai ana asü aser tanüngba pezüji tayimtsü ajanga Raipur-i anir oa Ramkrishna Care Hospital nung yaridar, ta Vaishnav-isa ashi.