Chhattisgarh nung IED bomb ajanga CRPF sepai 5 yiru

Raipur, March 11 (Agencies): Chhattisgarh nung Maoists telungpurtemi timtem agütsüba district, Sukma nung IED bomb ka apokba lendong nung CRPF ketdangser ana densema sepai pongu yiruogo.

Tanep 9:00 ako meta 217th battalion nungi CRPF sepaitem Murliguda aser Banda na tsüngda lenmang tasen yangludak security agütsütsü atema aodang Banda-Konta arem nung iba lendongji atalok, ta Sukma Additional Superintendent of Police, Santosh Singh-i ashi.

Iba lendong nung Deputy Commandant rank ana- S Niwas aser Prabhat Tripathi na den sepai asem yiruogo, iba bomb ji Maoists-i ali telung nung rema toktsüba südi ta melung malemer, ta ketdangsertem ashi.

Sepai tali yoksemogo aser yirua alirtemji Bhadrachalam-i anir aoba sülen tayimtsü ajanga state yimtiba, Raipur-i anir aotsü, ta parnokisa ashi.

Sepaitemji camp atongtsü metre 500 shi lia kari IED connection nung ajemshiba ajanga bomb ji apok, ta ASP-isa ashi.

You must be logged in to post a comment Login