Chhattisgarh nung Maoists 26 apu

Raipur, August 05 (Agencies): Tesüiba anogo asem nung police-i Chhattisgarh, Bijapur district tesem balala nungi CPI (Maoist) telungpur 26 puogo, ta tanü police-i metetdaktsü.

Mapang talangka nungi police-i aputsü bushia aliba telungpurtemji auyaba, ki rongtsüba, nisung tepsetba, security sepaitem amakba aser bomb amshia amakba ken o tem nung alibelena alirtem lir, ta Bijapur Additional Superintendent of Police Indira Kalyan Elesela-i tanü Raipur nung osangbenertem dang ashi.

Parnok aika Sangham züngsem liasü, aser tangartemji taoba mapang LOS (local operation squad) züngsemtem liasü, ta pai ashi.

Maoists telungpurtem aliba tesem apir police stations limits – Gangaloor, Madded, Mirtur, Bhpalpattnam tem nung police yok, ibaji state yimtiba Raipur nungi kilometer 450 telungtet nung lir, ta paisa ashi.