Chhattisgarh nung Maoists 4 kahset

Raipur, November 13 (Agencies): Hokolbar nü Chhattisgarh, Bijapur district nung police den kahtepba mapang commander ka densema Maoists telungpur pezü tepsetogo, ta tanü police osang ka ajanga ashi.

“District nung Mirtur police station tesem anasa Maoists telungpur senzüdar ta osang ka lazükba sülen iba operation ji tanep state’s District Reserve Group (DRG) telok kati agia liasü,” ta Inspector general of police, Bastar Range, S R P Kalluri-i ashi.

Iba osang angazükba sülen DRG team nungi sepai 55 Mirtur-i ao, ibaji state yimtiba nugi kilometer 450 shi pila oor lir, ta Kalluri-i ashi.

Police-i Hallur aser Hakwa yimtsüng na tsüngda arem longbangba sülen telungpur telok kati injang sashia kahloktsüba nungi tenzüka telok ana tsüngda sashia kahtep, ta paisa ashi.

“Ghonda ka shi kahtep. Security sepaitemi parnok longbangdar ta telungpurtemi meteta parnok arem min telungleni jena ao,” ta pai ashi.

“Tesülen kahtepba tesem nungji uniform nung telungpur tasümang pezü angu. Iba tesem nungjagisa pistol ka, 303 rifle ka, 315 bore rifle ka aser 12 bore gun ka nguogo,” ta paisa shisem.

Telungpur pezü rongnungi kabo Rainu lir ta jangjaogo aser paji Bairamgarh area Committee action team nung commander liasü.