Chhattisgarh nung Maoists-i CRPF sepai 11 tepset

Raipur, March 11 (Agencies): Chhattisgarh kübok Sukma district nung Maoists telungpurtemi amakdang Central Reserve Police Force (CRPF) sepai 11 tepsetogo, ta police osang ka ajanga metetdaktsü.
Tanep 9:15 meta Bhejji police station kübok arem nung CRPF 219 battalion nungi sepai 112-i akümba telok ka patrolling aodang telungpurtemi amakdang sepai 11 asü aser pongu yirua liasü.
Maoists telungpurtem jagisa asür sepaitem ket nungi prangpong 10 den radio set ana auya, ta police ketdangsertemi ashi.
CRPF 219th battalion nungi sepai telok kaji state yimtiba nungi kilometer 450 shi pilar aliba tang teyangludak Injram-Bhejji lenmang anükba mapang telungpurtemi amak.
Ketdangsertemi ashiba agi, telungpurtem jagi mezüng Improvised Explosive Device (IED) bomb aika pokdaktsü, iba sülen injang aika kahloktsü.
Iba tesem jagi sepai tali yoksemogo aser yirua alirtemji tayimtsü ajanga Bheji anasa aliba CRPF field hospital-i anir oa yaridar. Iba tatalokba sülen special CoBRA team ka yoka liasü.