Chhattisgarh nung Maoists-i sepai 2 khaset

New Delhi, Rongchii/April 09 (Agencies): Tanü Chhattisgarh kübok Bijapur district nung Maoists telungpur aser Central Reserve Police Force (CRPF) sepaitem tsüngda khatepdang sepai ana asü aser pongu yiruogo.
Rongchii 14, 2018 nü Ato kilonser, Narendra Modi-i Bijapur district semdangtsü lia tanü iba district kübok Mahadev Ghati aser Chinnabodkel tsüngda arem nung Maoists aser CRPF nungi 85 Battalion sepaitem tsüngda khatep.
Osang angazükba agi, CRPF den Chhattisgarh police iba tesem jagi telungpur mita aoba mapang nung improvised explosive device (IED) bomb ana apok, iba sülen sepai aser telungpur na tsüngda mapang tatsüka khatepa liasü.
Osang angazükba agi, 2005 küm nungi tenzüka tanü tashi nung Chhattisgarh nung Maoist sashia aliba Bastar region nung telungpurtemi security sepai 47 tashi tepsetogo.