Chhattisgarh nung police ketdangser 4 tasümang nguogo

July 15, 2015 : Bodhbar nü Chhattisgarh, Bijapur district kübok Gudma yimtsüng anasa CPI-Maoist telungpurtemi tepsetba police ketdangser pezü rongnung ketdangser asem tasümang gari lenmang nung merepdaka aliba noksa nung angur.

 Raipur, July 15 (Agencies): Hombar nü Maoists telungpurtemi puer aoba police ketdangser pezü tasümang tanü Chhattisgarh, Bijapur district nung nguogo.

“Hombar nü telungpurtemi assistant constable pezü apuba tesem, Gudma yimtsüng anasa aliba gari lenmang nung parnok tasümang nguogo,” ta Bijapur Additional Superintendent of Police Indira Kalyan Elesela-i osangbenertem dang ashi.

Police ketdangsetemi ashiba agi, yasüng Gudma yimtsüng nung telungpurtem jagi ‘Jan Adalat’ (nüburtem okadak) ta ajaba nung ken o akaba sülen sepaitemji tepset.

Asürtemji Kutru Police Station nungi Jaidev Yadav, Mangal Sodhi aser Raju Tela nunger lir aser Rama Majji ji Bedre Police Station nungi liasü.

“Tasümangtemji hospital-i anir aoba sülen ang parnok asüba kuliji jangjatsü,” ta pai ashi.

July 13 nü telungpurtemi Bijapur nungi Kutru tashi senzüba lenmang nung garitem mitba mapang bus ka nungi sepai ana apu aser motorcycle ka nungi sepai ana pua liasü.

Bastar region nung Bijapur nung Kutru tesem ya CPI (Maoist) telungpur junga amenoka aliba tesem ka lir.

2014 Lok Sabha election mapang nunga April 12 nü telungpurtemi Ketulnar yimtsüng anasa election ketdangsertem amakba mapang nisung 6 asü.