‘Chhota Bheem’ yanglusang nem doctorate jenjang agütsü

Chennai, May 30, 2016 : “Chhota Bheem” yangluba company, Green Gold Animation TV Pvt. Ltd., nungi Rajeev Chilaka nem Academy of Art University, California-i honorary doctorate agütsü.
Ni yamai tushia doctorate jenjang agütsüba ya mangmangtsüka lir aser ni kanga pelar, ta Chilaka-i ashi.
2008 küm sayaba Bheem ya Green Gold company-i adokba cartoon ajak danga nüngtuguba lir. India nunger tanur arishi küm 14 teküpok pur atema cartoon ka danga maliba ajanga onoki tanurtem tangazükba tajung angutsüsa Bheem ya kanga shisadanga yanglua saya, ta Chilaka-i osangbener dang ashi.
Bheem ya hopta shia tanur million 40 shi-i repranger aser tanur tain ajaki kanga sapur. India television sentong rongnung mapang ajak nung terepranger majemba cartoon ji ibai lir.
Chilaka-i, ni tang takok anguba ya Academy of Art University ajanga lir. Walt Disney-i takok ngua inyaktettba agi ni ajungmeso aser ni Kansas City nung Disney aliba aser inyakba tesem ajak semdanga jaja, ta ashi.
Academy of Art University nung tangazükba tulu ngur külen Chilaka India-i 2000 küm arua pa nükjidong mapa küma inyak. Tang pa studio nung mapa inyaker, animator 400 dak tema lir aser linük nung Green Gold indang retail store 25 lapoka lir.