Chichiba India senso shinga mezüngdoktsü: Smriti Irani

Kolkata, September 10 (Agencies): Assam nung National Register of Citizens (NRC) indang final list sayaba sülen chichiba India senso shinga timtem mangutsü, ta Mongulbarnü Union textile minister Smriti Irani-i metetdaktsü.
Kolkata nung sentong ka nung jembidang “ozüng alema arurtem ozüng agi merenshitsü aser chichiba India senso ajak NRC nung züluoktsü” ta Irani-i ashi.
“India nunger shinga mezüngdoktsü, ibaji onok tenangzükba lir. Onoki linük nung senso ajak indang temeten kümzüka ayutsü atema inyaker” ta laisa ashi.
“Kasa mapang nung, ozüng alema arurtem ozüng nung aliba ama merenshitsü” ta Irani-isa shisem.